1. TOXUM.ORG hüquqi dəstək və onlayn kraud-fandinq platformasıdır. Saytın əsas missiyası dəstəyə ehtiyacı olan və bu dəstəyi mümkün qədər sürətli verə biləcək insanları birləşdirilməsidir. Bizim fikrimizcə cəmiyyəti dəyişə biləcək hər bir ideya bizim platformamız vasitəsilə inkişaf edə bilər.
1.1. TOXUM.ORG sizə mövcud İstifadəçi Razılaşması (İR) predmetinin şərtləri daxilində öz xidmətlərini təklif edir. Xidmətlər platformanın missiyası çərçivəsində təklif edilir.
2. Saytda yerləşdirilən bütün layihələr aşağıdakı şərtlərə uyğun olmalıdır:
2.1. Sosial əhəmiyyət – hər bir layihənin sosial əhəmiyyəti olmalıdır və fərdi şəxslərə ünvanlanmış xeyriyyəçilik layihələri bu kateqoriyaya aid deyil.
2.2. Layihələr heç bir halda Azərbaycan Respublikasının qanunlarını pozmamalıdırlar. Eyni zamanda layihələrdə yalan və ya aldadıcı məlumat paylaşılmamalıdır.
2.3. Layihələr kommersiya məqsədləri güdməməlidir. Sosial sahibkarlıq layihələri buna istisnadır.
2.4. Müddətlilik – hər bir layihə müəyyən müddət ərzində reallaşdırılmalıdır.
2.5. Şəffaflıq – layihə reallaşdırarkən cəmiyyət üçün tam şəffaflıq təmin edilməlidir. Bunun üçün layihənin koordinatoru aldığı vəsait barədə saytda daim (hər həftə və ya hər ay – layihənin müddətindən asılı olaraq) hesabat verməli. Eyni zamanda layihə çərçivəsində həyata keçirilən xərclər barədə də məlumat verməlidir.
2.6. Nəticə – layihə bitəndən sonra, onun nəticələrini əks etdirən hesabat tipli materiallar da yerləşdirilməlidir.