“Mən insanlardan pul istəməyə utanıram,ona görə də Toxum.org-da layihəmi yerləşdirmirəm”
Bizim mədəniyyətimizdə pul istəmək haradasa, ayıb yəni tabu sayılır. Amma Avropa və Amerika cəmiyyətlərində, xüsusən də sahibkarlıq ekosisteminin inkişafında ən təsirli şeylərdən biri, ən yaxın mühitdən toplanan “ailə və dostlar fondu” adlı ilk investisiyadır. Ailə və dostların dəstəyi ilə başlayan startap zamanla böyüyərək daha böyük investorlar axtarmağa başladı və ona çataraq böyüməyə davam etdi. Ən yaxınlarınızı xəyallarınıza inandırmaq əslində, ğz xəyalınıza nə qədər inandığınızı göstərir. Düşündüyünüz layihəyə, təşəbbüsə və ya xəyala olan güvən mühitinizə təsir etdikdə, sizə dəstək olmaq və xəyalınızda tərəfdaş olmaq çox həyəcanlı olacaq. Bundan sonra daha böyük auditoriyanı inandırmaq lap asandır, çünki artıq bu işə etibar edib pul ödəmiş insanların olması bu işin, layihənin, təşəbbüsün dəyərli və dəstəklənməyə dəyər olduğunu göstərir.
Təbii ki, layihənizin məzmunu da insanların dəstək olmaq istəyində çox təsirlidir. Nəzərə almalıyıq ki, layihənizin məzmunu nə olursa olsun, ən diqqət etməli olduğunuz məqam layihədə yaradacağınız dəyərdir. Layihənizi təsvir etdiyiniz zaman, tanıtım şəkillərinizdə və məqalələrinizdə həmişə buna diqqət yetirməlisiniz.
Layihəniz hansı faydanı təmin edir? Mədəniyyət sənət dünyasına töhfə verirmi? Ətraf mühitə? Heyvanlara? Yoxsa istehsal olunan məhsul insanların ehtiyac duyduğu məhsuldur? Layihə nəticəsində göstərəcəyiniz xidmət kiminsə həqiqətən ehtiyac duyduğu xidmətdirmi?Biznesinizin fayda əldə etmək üçün mütləq sosial müəssisə olması lazım deyil. Hər bir məhsul və ya xidmət kiminsə xeyrinə və bunun müqabilində bəzən maddi mənfəət, bəzən də sosial fayda üçün hazırlanır. Bu səbəbdən, mümkün qədər çox insana müraciət etməkdən çəkinməyin və işinizin dəyərli tərəflərini ön plana çıxararaq dəstək istəyin.
Bağlı olduğunuz şəbəkələrə, üzv olduğunuz klublara və ya dostlarınızın daxil olduğu şəbəkələrə çatmaq layihənizin uğurlu olma şansını artırır.
Unutmayın ki, dəstək vermək dəstək almaq qədər həyəcanlı və xoşbəxtlik doludur. Kiminsə arzusunu bölüşmək və onun inkişafını görmək bir çox insan üçün sevincdir. Bu obyektivdən baxsanız, bu proses çox daha asan və daha zövqlü olacaq.